[第一次] 臻B反身 [有片]

According 本人我曆法...臻B 0係Day 87...學識反身啦....
(點解同臻媽計法唔同...因為我係計佢下午7點出世, 所以要減番大半日)

此時此地...見證佢第一次的係婆婆...而我....岩岩沖緊涼準備裝身出席畢業典禮><"

有片為證...(睇頭30秒就得)

晚上...就再出盡9牛2虎之力...表演臻媽睇

到我番黎食完晚飯...佢好俾貨噤再表演多次我睇....

臻B...今日辛苦你了...以後我會鎖起你防你反身GA啦...

[普通記事] 臻臻上的第一台主日彌撒

出世2個多月...終於決定試下帶佢番聖堂上主日彌撒

喺聖堂度...竟然成台主日彌撒都冇訓過...仲好乖噤訓/坐0係聖堂度
(除左喊左2聲表不要換片外...噤當然係我同佢出去換啦)


是日主日彌撒的負責神父正正就係我同臻媽的主禮神父...
任致遠神父 (Rev. Pierre Jeanne)
噤當然阿臻有去接受神父的祝福啦....

之後...應該要同阿臻搵代父母了

遲來的爸爸節快樂 - [回帶]產假後的第一天

爸爸節快樂, 琴日就過左第一個做人爸爸的爸爸節啦...
其實又係果句...真係唔會太大感覺...
唔係冷酷, 係只不過同平日一樣JEI...
我亦唔希望會有乜野特別唔同...
因每天都是慶典...哈哈

話說...10日前...6月10日老婆的產假完結...
即係話佢要番工啦...而我....
咪開始做全職湊仔公LOR....不過DAY1 我就玩盡左自己

湊B本身已經好忙...越細過就越多野要留意...
仲要第一日FULL DAY 照顧就
老婆出門後就一直0係警備狀態...因阿囡唔會知幾時醒...
就一醒左就要餵奶, 換片...想訓多陣都唔得...

食完第一餐..佢訓番...就要立即要做家務...
仲要洗奶樽...消毒...跟住就差唔多食第2餐LU...
食完同佢玩左陣...就要同阿囡沖涼...
(其實平日都係我同佢沖)...
沖完就執袋出門lu...

玩自己的係第一日全職湊仲要帶佢遠行...
點玩自已?
一個人執齊野背住個背包...入面代哂卷,阿囡D片,奶,後備衫,包巾
前面又背住阿囡....
何謂遠行?
屋企搭成個鐘車陪爸爸去公司交已批改的試卷...

好在有得坐關愛座

好在阿女都叫乖...去到何文田前都冇乜大叫...

2個月的B已去大學留影

不過發現....原來大學係冇換片餵奶的地方GA....只好...

求其搵個冇人的課室...同佢換片...至於開餐...就當然0係學校CANTEEN啦...

而背住佢,我點去廁所又係一個大難題...至於點解決...自己諗下啦

由於搵房耐過頭....令到行程有D趕...食完都未掃風就要趕巴士出港島啦...

何文田港島...係冇MTR GA...只好又搭巴士....不過樓下滿座...樓上空位又唔多...
只好上上層最後排坐低掃風...

其實佢都幾享受...幾多野睇

累了0係海底隧道訓個覺先...

落車時...天氣不似預期...落雨...WT....
拎條薄被...蓋住佢個頭...就由中環衝上半山接媽媽放工了

去到學校...由於媽媽仲開緊會...
只好0係教師枱休息....

之後去媽媽的課室休息...同時被集郵...

最後就緊係參見媽媽老細...將來就讀的幼稚園GEI校長啦(好似係, 除非唔係)

番到屋企...我同個囡都散哂...好早就訓左...佢仲11點訓...訓到第日10點先起...

接住落黎..我都唔會再帶佢遠行

因為真係好忙...呢篇野...我就係湊佢時打...打足5個鐘先打完...

所以...慢出POST係正常的...><

[陪月] 木瓜

其實一個陪月...正常合約開工26日...每天工作8小時...
換句話...我已經唔洗做陪月...可以做番自已啦...
黎緊的篇章會同大家講下陪月的心得...點揀個好陪月...OR湯水篇

今次講下木瓜...
話說有日, 有位長輩買左個黃黃綠綠的木瓜上黎...話俾我煲湯俾老婆飲...
噤我就順口問...係唔係生木瓜黎GA...佢話係...噤我都冇理

第2日...噤我就預備整木瓜生魚湯啦...
皆因木瓜上奶阿下
左邊爐煎魚...右邊煲水同花生...
當水滾, 準備將所有材料落煲煲時...切開個木瓜...
TMD....熟木瓜黎GEI...
立即熄火...衝落街去菜檔買番個生木瓜上黎先再繼續...

呢度同大家講...食材有好多好相似...用錯就奶野GA啦...
所以今日教大家分木瓜

左邊的係熟木瓜, 右邊的係生木瓜

熟木瓜就即係我地平日當水果食果D...而生木瓜就係煲湯用...
好明顯水果通常0係水果鋪買...煲湯料0係菜檔買啦...
熟木瓜通常"橙皮橙肉", 而生木瓜則"青皮白肉" 
二者切開之後分辨更為明顯...

熟木瓜的核為黑色, 而生木瓜的核為白色

如果你岩岩有BB至有左6個月, 緊記 X生木瓜煲湯...
至於臨盤前2Wk, 你可以食熟木瓜...(儲奶)
至於你生完...情況就掉轉啦...
產後緊記 X食熟木瓜,  而如果你想上奶的...(多D奶谷出黎俾B食)...請用生木瓜煲湯

至於個女...D人話鐘意玩B...我諗更加鐘意玩B
說起來都好奇怪...當大家都鐘意大左重左依家的佢時...
我堅係比較鐘意初出世十幾廿日的佢...
抱住3KG多D的佢...真的好有愛...

DAY 10

DAY 43

所以各位爸爸媽媽...多D陪你的子女...佢地大得好快...
轉眼就唔會等你GA啦... 

出世紙

時間過得好快...轉下眼已經過左滿月...(只是個人仔仍然係唔名訓...唔多重磅)好多時夜晚都頂唔住...打唔到一篇完整的...
所以呢篇比較短的...完左佢...POST左先...

超奸!

話說阿B出世後, 你係有42日時間申請出世紙GA
有D人會急住拎...但對於我呢D忙人...
接出院...陪下月...整下野食...去下健康院都忙左成個月啦...
最終0係第32日...走去拎出世紙...(其實係買)

出發前..就緊係要上網申請預約啦...
(政府野好多都係...你申請左會遲...你唔申請就冇...記住啦)
http://www.gov.hk/tc/residents/immigration/bdmreg/birth/birthreg/bookbirthreg.htm
入到去按下D 「繼續」..按下D 「剔」...

入到去只要入呢D資料

0係度...我想建議大家...網上遞交出生登記所需資料
http://www.gov.hk/tc/residents/immigration/bdmreg/birth/birthreg/onlinesubmissionbirthreg.htm
一來你都一早定左阿B個名GA啦...填左交定安心D
 二來環保...印都唔洗印, 剩係SUMMIT個PDF就得啦...
三來...跳轉講...

出生登記所需資料要填的野唔多...阿B個中英文名...我同老婆個名...住邊...結婚證書號碼因此...去拎出世紙時...記住帶 阿B爸媽2人的身份證同結婚證書...




由於體貼的丈夫應該請老婆留0係屋企休養坐月...因此我一個人拎2張身份證同結婚證書就出發因為阿囡0係廣華出世...所以要去尖咀拎..金巴利街二十八號 <==即係THE ONE後面過小小
(不過如果0係瑪嘉烈...都係尖咀拎GA啦...)
入到去記住落地庫...G/F係申請特區護照的

真係唔明D人...拎張出世紙JEI...點解要2個人出動...
2個都算...點解要帶埋個AROUND滿月的B出街...
3個都算...點解奐要埋外母/奶奶一齊...成村人...去旅行MEI...
又有人乜都冇拎就黎申請...又有人黎到先填表...又抱住阿B又忙於寫野...
呢個就係第3個原因...見到好多人都好忙...

如果大家同我一樣一早交哂野的....去到只係搵部預約機...輸入老婆身份證..
之後就拎TICKET..坐低慢慢等啦。

而我坐低後亦食我個麥噹噹餐..同食新地啦...

食緊個餐時, 就被叫去對身份文件...對完又番去食
到食緊個新地時...就去另一個COUNTER...再對番身份證明文件同DOUBLE CONFIRM上網交的野有冇錯...會唔會後悔即場改...
而我就俾個職員問...加唔加英文名入去...
「香港人」係要有香港特式...拼音就可以...絕對唔加英文名...
同時尊重/俾條後路阿囡...一旦唔鐘意我地幫佢改的英文名...隨時可以改...
之後會問你要整幾多張...有人會整定多幾張旁身的
搞掂就番去食雪糕再等叫名...

再叫名...多謝出世紙每張$140...EPS磅完水..拎野走人...

巴士仔提提你...張野拎到番屋企好影印定一疊啦!!!

PS.0係等拎出世紙其間...真心希望入境處編個易記D的號碼
好在阿囡的出世紙號碼都幾易記...來來去去都係得3個數字...

"毒的盡頭...做是專業" ... 我家陪月...

話噤快...阿囡已經出世25日...距離滿月就爭幾日....
唔長肉的阿囡今日去母嬰健康院磅...依家已3.792KG...
比起初出世的3.5KG..已重左...0.292KG...即係半磅啦...><"

更重要的係過多幾日...我地個陪月的任務大概完成...
雖然餵食母乳飲食上仍有好多野要就住...
但媽媽的身子已大相康復番...唔洗再點大補...養下身就可以了...

喺度介紹番我地個陪月俾大家認識....你地有需要時可以請佢開工..
呢個...又係"米高爸爸"啊....!

你可能會話...傻的嗎?邊有男人做陪月?
我答番你...傻的嗎...既然我都係少數男幼稚園老師...
我就理得呢個世界的世俗眼光...繼續做少數入面的少數啦...
我深信..."毒的盡頭...做是專業"
男仕做呢D野有時做得比女士更好....
加上我呢個窮L...冇錢請陪月...噤我只好自已報讀...自已做埋啦...
(遲下應該會考埋國家認證GA啦...)
就係噤...我就癲癲地走去青協讀陪月...之後再上埋個導師的進階班

課程內容係D乜?

係咪真係有用?
噤睇你上堂留唔留心啦...
起碼薑醋我係自已整...冇買鴻X堂...(雖然有失敗過)
(BTW..要食好Book啦...滿月後我冇得派啊!!~習俗上)
湯水、一日幾餐都有整下or 意見外母/老母煮...
阿B沖涼換片換衫都可以自已

每一日變得好充實...
老婆餵奶...我就整代荼...
老婆又餵奶...我就吸塵吸左個地...
老婆再餵奶...我就整野食...
老婆餵奶AGAIN...我就喺電腦搵節目俾老婆睇...
老婆餵奶.......老婆餵奶.......老婆餵奶.......
忙過番工....不過值得的..
(當然唔係日日啦...有時都要靠外母/老母, 始終我都有D Part time 要做下)

大家如果有D乜野關於陪月GEI想知...可以留個言...有機會開POST回大家丫..
如果係男讀者留言..我會更欣賞!!!

BTW...我真係幾鐘意讀書....(如果唔洗交功課的話)

嬰兒的氣質

有讀我呢科的人就一定知我講乜啦...
冇讀的就等我簡單講下...

平日大家就見到D BB好得意, 但都覺佢地係有不同啦
例如睡眠規律、活動水平、鐘唔鐘意喊、喊得大細聲...
B 的情緒、活動性、活動係咪安靜周對陌生人反應等...
 Tomas and Chess (1977,1984)
就好勁噤做左D Research...將B分成3種氣質(另外仲有2種分別係2 or 3種MIX)
1) Easy Child (容易撫育型)
2) Difficult Child (撫育困難型)
3) Slow-to-Warm-Up Child (發展緩慢型)

我個囡...臻姐...
食奶冇規律、成日郁、又喊又嘈...
(你可能會話個個B都係噤GA啦...但係我探V媽媽時..佢個Owen 真係好乖的)
你地唔信...我縮時錄佢1個鐘俾你地睇..


根據Tomas and Chess 的研究, 撫育困難型只佔10%...
容易型同發展慢的分別佔40%同15%...
噤都俾我中.....><"

好在嬰兒的氣質係可變Jei (Kagan,1984)
亦都好在阿囡已經叫戎左夜奶....基本上我老婆有覺好訓...

冇錯..我係守夜更的...晚上9-3...之後先訓番3-9...
仲有1個鐘收工...Post 埋又搵工...

男士侍產假的重要

阿囡出世已12日...日日都忙到同累到連電腦都冇時間開
D TMA一份都未改...<==作死...
至於呢個BLOG...其實已有幾個TOPIC想寮...但真係冇時間

因今日想講下男士侍產假的重要,
喺外國, 男士侍產假可以放好長...
喺香港, 依家只可以拎3日假...
唔知好彩定唔好彩...我冇拎侍產假, 但我的假係唔只3日...

喺度,我絕對建議準爸爸可以的話
唔該你預早同你老細請多最少1個星期假...
屋企真係有好多野要你幫手...

岩岩呢12日...真係完全攞命...
先唔講太太生產前, 你喺屋企/產房等...冇覺好訓
(有時間會寫番篇講下準爸爸陪生產注意事項)

太太痛苦地生完, 基本上佢已好想有人陪住佢...
除左個B...另一個當然係丈夫啦...
如果好似我老婆開開刀的, 相信會更渴望...
因為生完個B冇得陪佢...
作為丈夫的...應該好似D家長爭接放學噤...準時爭第一於探病時間出現
相個你另一半會渴望見到你噤為佢..而多過你送花或者果籃/公仔過佢(好似係)
(話番轉頭, 佢都為你陀B 9個月...生時痛左N噤多個鐘啦)
住院通常2-4日...你個侍產假隨時已嘔突...隨時太太仲未出院TIM...所以

好啦...出到院...番到屋企...
你首先好快發現屋企D SETTING唔岩...你又要執屋

初生B大概每餐相隔2-3小時...
唔好睇落好長時間...其實好DEMANDING的...
每餐食奶之前, 先要檢查下阿B條片有冇濕/屎
之後就餵奶...餵完又要掃風...掃完風又要TUM番佢訓...
其實呢度都用左成個鐘頭有多...冇幾耐...第2餐又到了...

作為愛妻的你...就算係屋企家務AA制的你...同你計下...
你老婆如果埋乳餵食的...換片D野係唔係應該你做先...
你老婆BUMP奶的...BUMP完都累...換片D野係唔係應該你做先...
好啦..你老婆唔餵/餵唔到母乳..要開奶的...你都最少一人一半照顧5-6餐丫...
(又有時間的話拍片教準爸爸換片/掃風)

唔好意思...都未計你食飯沖涼時間在內...屋企仲要煮飯洗碗洗衫
而且初生B..係唔會識夜晚訓覺...朝早起身的簡單規舉的...
佢要開2,4,6點點食奶...依真係唔洗訓...
好在阿仙奴多項盃賽出左局...如果唔係就更加冇時間...

如是者每日大作戰...真係人都癲....
如果你真係工作狂...番工重要過陪老婆...噤你要明白點解D女人噤易有產後抑鬱

經過多日大作戰...終於開始初步調較到阿囡夜奶後可以訓到4-5個鐘...
而我都終於可以重見天日...
產後的12亦都係噤解了....

你可能會問我...點解我唔請陪月員啊....
因為我窮LOR....同埋....下回分解

小"呂"子出世啦

臻臻...呢個就係我地初見面的故事啦

希望你大個問起時...俾到個清楚答案俾你...

4月4日零晨3點...媽媽因5分鐘陣痛一次...決定入院待產

等左16個鐘...因為媽媽子宮始終開得唔夠大...

為左媽媽同BB的安全...媽媽決定開刀生...亦即係話我冇得陪住媽媽生產

4月4日晚上7時你就被醫生從媽媽肚度取出，

你俾媽媽的第一個感覺係...你好嘈...HAHA

過左半個鐘度...姑娘就叫我入去見你啦...

你俾我的感覺係...好陌生...因為我地第一次見...我都呆呆地

我亦冇乜野反應...但我知道, 我同媽媽會接住落黎的日子見證你成長

因為你同媽媽都有燒...所以你的第一晚冇我同媽媽一齊...要去8樓的新生嬰兒特別護理病房

當我陪你落去時...媽媽仍然做緊手術...處理傷口...

臻臻,呢個就係你第一晚...

東翼8棲新生嬰兒特別護理病房

媽媽就喺獨立病房休息,等傷口愈合

呢D就係照顧媽媽的醫生

希望聽日同媽媽一齊見到你開心的樣啦...

2個都要快D退消啊...

米高爸爸博落客的由來

事緣有日同埋"新Sit太"去探"V媽媽"同佢個仔仔"小O",
剛巧呢個"MMV"組合集體失業,
噤就講開有乜野好搞...
V媽媽就提議叫我搞代購...叫我親身試用再Post 上片上網,
得閒就寫下Blog 講下湊仔經...佢會第一個俾Like

之後有日S小姐同M小姐黎探老婆...
又講緊佢的生意點轉型...
講下講下又講到叫我學D媽媽寫Blog...

我知道呢D野唔行第一步我就會懶去做,
所以即晚開Blog...盡我的熱度去寫下野睇下反應先...              

今日就證明俾你地睇,
女人的天職唔係湊細路, 亦唔單只係湊細路.
男人亦有能力湊小朋友, 我更有能力教好小朋友!